Лениногорскида хәрби операциядән кайтучыны эшкә урнаштыру хакында сөйләштеләр
Лениногорск Мәшгульлек үзәге белгечләре «Работа для СВОих» клубы утырышының чираттагысында, «Ватанны саклаучылар» фонды белән берлектә махсус хәрби операциядә катнашучыны эшкә урнаштыру һәм яңадан укыту сораулары буенча очрашу уздырдылар. Бу хакта «Заман сулышы» сайтында Розалия Мостафина хәбәр итә.
«Ачык сөйләшү узды. Очрашу барышында махсус хәрби операциядә катнашучының нинди юнәлеш буенча укып, алга таба нинди һөнәр сайлавы турында сөйләштек», - диде Лениногорск Мәшгульлек үзәге директоры Лилия Шагиева.
Хәрби операциядә катнашучы тернәкләнү курсларыннан соң укуларны узачак.