КФУ махсус хәрби операция өчен антисептик җитештерүне башлап җибәрәчәк

КФУ партнерлар белән берлектә антисептиклар җитештерү эшен башлап җибәрәчәк, беренче чиратта махсус хәрби операциядә катнашучылар ихтыяҗларына юнәлдерелгән. Бу хакта Татарстан Республикасы Дәүләт Советының Мәгариф, мәдәният, фән һәм милли мәсьәләләр комитетының күчмә утырышында КФУның икътисади һәм стратегик үсеш мәсьәләләре буенча проректоры Марат Сафиуллин хәбәр итте.

«Илебезнең фармацевтика сәнәгате лидерларының берсе белән берлектә КФУ нәселдән килгән сирәк авыруларны дәвалау өчен ген препаратлары эшләү буенча проект башлап җибәрде. Моннан тыш, узган ел Сибур һәм «Газпромнефть» ихтыяҗлары өчен КФУ «Нефтехимик катализаторлар фабрикасын» эшләтеп җибәрде», - диде ул.

Аның әйтүенчә, нефть чыгару өлкәсендә дә шундый ук бурычларны гамәлгә ашырырга ниятлиләр.

«Минск трактор заводы белән берлектә университет быел ретрофит-комплектларны серияле җитештерүне башлап җибәрү өчен документация эшен төгәлләде. Алар авыл хуҗалыгы техникасын югары дәрәҗәдә автоматлаштыруны тәэмин итәчәк һәм аграр эшләрне кеше ярдәменнән башка алып барырга мөмкинлек бирәчәк», - диде Марат Сафиуллин.