Узган елда Татарстанда 166 чит ил кешесе Саклану министрлыгы белән контракт төзегән
Узган елда Татарстанда 166 чит ил кешесе РФ Саклану министрлыгы белән контракт төзегән. Бу хакта «Татар-информ»да узган матбугат конференциясендә ТР Эчке эшләр министрлыгының Миграция мәсьәләләре идарәсе башлыгы урынбасары Антон Губачев сөйләде.
«Узган елда 166 чит ил кешесе һәм элегрәк РФ гражданлыгы алган 42 кеше контракт төзеде. Быел исә 24 чит ил кешесе һәм күптән түгел генә РФ гражданлыгы алган 2 кеше РФ Саклану министрлыгы белән контракт имзалады», - диде ул.
Ведомство вәкиле сүзләренчә, чит ил гражданины, кирәкле документлары булган очракта, килгәннән соң 30 көн дәвамында контракт төзи.