ЗАГСлар махсус хәрби операциядә катнашучылар өчен «Безнең геройларга»» акциясен башлады

Татарстан Министрлар Кабинетының ЗАГС идарәсе муниципаль берәмлекләрнең ЗАГС органнары белән махсус хәрби операциядә катнашучыларга ярдәм итеп, «Безнең геройларга» проектын башлап җибәрде. Акция кысаларында Ватанны саклаучылар көне алдыннан никахларын теркәүче яшь парлар хәрбиләргә котлау открыткаларын имзалаячак.

Республиканың ЗАГС органнары оештырган «Безнең геройларга» акциясе — ул махсус хәрби операциядә катнашучыларның Ватанны, үз гаиләләрен, якыннарын һәм туганнарын саклап хәрби бурычларын үтәгәндә тугрылыклары һәм кыюлыклары өчен рәхмәт белдерү. Бүген безнең батыр якташларыбыз – әтиләребез, улларыбыз, абыйларыбыз тынычлык өчен көрәшә», - дип билгеләп үтте ведомство җитәкчесе Эльвира Әхмәтова.

«Ватанны саклаучылар көне алдыннан без яшь парлар белән аларга җылы сүзләр җиткерергә һәм безнең геройларыбыз белән горурлануыбыз турында сөйләргә телибез», – дип өстәде ул.

Беренче открыткаларга Кутузовлар, Логиновлар, Якуповлар, Большаковлар имза куйган. Яшь парлар шатланып һәм җаваплылык белән акциядә катнашты һәм махсус хәрби операциядә катнашучыларның фидакарь хезмәтен билгеләп үтте, аның ярдәмендә яшьләр укый, эшли һәм гаилә кора ала.