«Җәлил» клубына «Батырга хат»ны бергәләп язарга чакыралар

20 февральдә «Җәлил» яшүсмерләр клубы Ватанны саклаучылар көне алдыннан «Батырга хат» акциясен уздырачак. Теләге булган һәр кеше махсус хәрби операция зонасындагы хәрбиләргә рәхмәт сүзләре һәм теләктәшлек сүзләре белән хат калдыра ала. Бу хатлар, каһарманнарның батырлыгын белеп, фронтка җибәреләчәк. Бу хакта Казан мэриясе матбугат хезмәте хәбәр итә.

Шул ук көнне клубта хәрби хезмәткәрләр өчен гуманитар ярдәм кабул итү пункты ачылачак. Шәһәр халкы кан кайтаручы һәм авыртуны баса торган препаратлар, бәйләү материаллары, вируска каршы дарулар, футболкалар, маскировка челтәрләре, окоп шәмнәре, шулай ук тушенка, консерва, ярмалар, печенье, шоколад, шикәр, конфетлар, пакетларда чәй һәм кофе китерә ала.

Казанда яшәүчеләрне 20 февральдә 17:00 сәгатьтә «Җәлил» клубында А.Хәйруллин урамы, 5 адресы буенча көтәләр. Сылтама буенча теркәлергә кирәк, дип хәбәр иттеләр «Яшүсмер» МБУда.