Кытайда кешегә йогу ихтималы булган яңа коронавирусны ачыклаганнар
Бер төркем Кытай галимнәре ярканатларда хайваннардан кешегә йогу куркынычы зур булган яңа коронавирус тапкан, ләкин аны арттырып күрсәтергә кирәкми. Бу хакта РИА Новости агентлыгы Гонконгның South China Morning Post басмасына сылтама белән хәбәр итә.
Тикшеренүчеләрнең мәгълүматларына караганда, күзәнәкләрне зарарлау өчен ачыкланган вирус кешедәге ангиотензин-әверелдерүче фермент (ACE2) белән бәйләнешкә керергә сәләтле, бу - COVID-19 китереп чыгара торган Sars-CoV-2 вирусы куллана торган рецептор.
«Без ачыш ясау һәм HKU5-CoV аерым линиясе (ике линия) бүленеп чыгуы турында хәбәр итәбез, аны ярканатлардагы ACE2 генә түгел, ә кешеләрдәге ACE2 һәм имезүчеләрдәге төрле АСЕ2 ортологлары да куллана ала», - дип язган галимнәр Cell журналында дөнья күргән мәкаләдә.
Галимнәр вирусны тагын да җентекләбрәк тикшерергә кирәклеген әйтә, чөнки аның нәтиҗәлелеге COVID-19 вирусына караганда «шактый түбән» һәм «кеше популяциясендә HKU5-CoV-2 барлыкка килү куркынычын арттырып күрсәтергә кирәкми».