Татарстанда температура -28 градуска кадәр төшәчәк
Шимбә, 22 февральдә, Татарстанда явым-төшем көтелми. Иртән урыны белән томан булуы ихтимал.
ТР Гидрометеорология һәм әйләнә-тирә мохитне күзәтү идарәсе фаразлавынча, бу көнне җил төньяк-көнчыгыштан исә. Аның тизлеге секундына 3-8 метр тәшкил итәчәк, әмма көндез ул урыны белән 13 метрга кадәр көчәергә мөмкин.
Иртән температура -16..-21 градус, аязганда -23..-28 градуска кадәр түбәнәя. Көндез максималь температура -8..-13 градус тәшкил итәр дип көтелә.
Шулай ук юлларда бозлавык барлыкка килергә мөмкин.