Казан мэры һәм көч структуралары хезмәткәрләре иң медианәтиҗәле түрәләр рейтингына керде
2024 елның IV кварталында Татарстанның министрлык һәм ведомство җитәкчеләре, шәһәр һәм район башлыклары арасында иң зур медианәтиҗәлелекне Казан мэры Илсур Метшин күрсәтте. Тикшеренү нәтиҗәләре «ПромРейтинг» агентлыгы сайтында тәкъдим ителгән.
Татарстан башкаласы мэры медиарейтингта урынын саклап калган. Бишлеккә шулай ук ТР прокуроры Альберт Суяргулов (6нчы урыннан күтәрелгән), Россия Тикшерү комитетының ТР буенча Тикшерү идарәсе җитәкчесе Валерий Липский (позициясен саклап калган), ТР эчке эшләр министры Дамир Сатретдинов (11нче урыннан күтәрелгән) һәм Россия Гадәттән тыш хәлләр министрлыгының ТР буенча Баш идарәсе башлыгы вазифаларын вакытлыча башкаручы Ирек Кадамов (8нче урыннан күтәрелгән) кергән.
«Елның соңгы кварталы Казан мэры өчен триумфаль булды. Метшинның күрсәткече III квартал белән чагыштырганда 1,3 тапкырга артты. Шәһәр башлыгы коллегаларына – рейтингтагы конкурентларына шанслар калдырмады. Әлбәттә, БРИКС саммитын уңышлы уздыру төп роль уйнады», - дип билгели рейтингны төзүчеләр.