Айдар Метшин хәрбиләрнең хатыннарын һәм әниләрен 8 Март белән котлады

Россия Дәүләт Думасы депутаты Айдар Метшин махсус хәрби операциядә катнашучыларның хатыннарын һәм әниләрен Халыкара хатын-кызлар көне белән котлады. Ул һәлак булган Ватанны саклаучылар Эмиль һәм Александрның әниләре янына барды.

Эльвира Альмировна – 2022 елда үз теләге белән махсус операциягә киткән Эмильнең әнисе. Яшь герой 24 яшендә Туган илне якларга киткән. Нина Сергеевна – мобилизация нигезендә хезмәт иткән һәм узган елның февралендә һәлак булган Александрның әнисе.

«Без һәр көнне, аеруча 8 Март бәйрәмендә, тирә-юньдә бәйрәм хисе хөкем сөргәндә, Ватаныбызның лаеклы улларын тәрбияләгән аналарга кайгырту һәм игътибар бүләк итәргә тиеш», - дип билгеләп үтте Айдар Метшин.

Түбән Камада инде ике көн элек Дәүләт Думасы депутаты исеменнән котлый башладылар. Шулай ук бәйрәм алдыннан «Минем яраткан әнием» рәсем конкурсына йомгак ясадылар.

Түбән Каманың Айдар Метшин депутатлык эшчәнлеген башлаган чорда ук шефлыкка алган Гагарин округында 140 махсус хәрби операция катнашучысы гаиләсе яши.

Гагарин округының һәрбер хәрбие буенча махсус хәрби операция катнашучысы паспорты алып барыла. Бу хәрби хезмәткәрнең актуаль сорауларын реаль вакыт режимында күзәтеп барырга мөмкинлек бирә. Паспорт «Җиңү. Геройлар кайту» координация үзәге проекты барлыкка килүгә нигез булды. Аның максаты – махсус операция тәмамланганнан соң хәрбиләрне тыныч тормышка социализацияләү һәм адаптацияләү.