Казан укучылары Республика клиник хастаханәсе табибларының эше белән танышачак
12 мартта Казанның 15 укучысы һәм аларның әти-әниләре Республика клиник хастаханәсенә барачак һәм табибларның эше турында беләчәк. Чара «Әйдә безнең белән, балалар!» проекты ярдәмендә оештырыла. Бу турыда Казан мэриясе хәбәр итте.
Проект кысаларында Казан балалары үзләрен кызыксындырган һөнәрләр һәм белгечлекләр турында күбрәк белә, тематик экскурсияләрдә катнаша алачак.
Укучылар якыннанрак танышырга теләгән һөнәрләрне үзләре сайлаган. Ел дәвамында балалар кондитерлар, зоопарк хезмәткәрләре, рәссамнар, футболчылар, балериналар, кием дизайнерлары, экскурсиячеләр, хәрбиләр, пешекчеләр һәм башкаларның ничек эшләвен күрәчәк, диелә хәбәрдә.
Исегезгә төшерәбез, 2022 елдан Казанда «Әйдә безнең белән» проекты гамәлгә ашырыла. Экскурсияләрдә ТР башкаласында яшәүчеләрне һәм кунакларны зур шәһәрнең эчке төзелеше белән таныштыралар. Мәмәлән, соңгы очрашуларда катнашучылар өйдән чыгып киткәннән соң калдыкларның кая җибәрелүен, фатирларның ничек җылынуын белделәр, диелә хәбәрдә.