Чаллы татар театры Нурлат һәм Чистай шәһәрләрендә «Сихерче» спектаклен күрсәтә

Чаллы татар дәүләт драма театры Нурлат һәм Чистай шәһәрләрендә «Сихерче» спектаклен күрсәтәчәк. Бу турыда Татарстан Мәдәният министрлыгы хәбәр итте.

11-12 март көннәрендә Аяз Гыйләҗев исемендәге Чаллы татар дәүләт драма театры Нәбирә Гыйматдинованың «Сихерче» (16+) мелодрамасы белән Нурлат һәм Чистай шәһәрләренә гастрольләр белән китә, диелә хәбәрдә.

• 11 март, 19.00 сәгатьтә – Нурлат шәһәренең Мәдәният сарае, Мәктәп урамы,3;
• 12 март, 19.00 сәгатьтә – Чистай шәһәре, Мәдәният үзәге «Чистай», Ленин урамы, 17а.