Истанбулда төрки халыклар җыенында Гөлназ Җиһангирова халык моңнарын яңгырата
Бүген, 21 март – Нәүрүз бәйрәме көнендә, Төркиянең Истанбул шәһәрендә төрки халыкларның кардәшлек җыены уза.
Бу хакта «Татар-информ» хәбәрчесенә автор-башкаручы, композитор, Анталия шәһәрендәге «Татарстан мәдәният җәмгыяте» җитәкчесе Гөлназ Җиһангирова хәбәр итте. Бүген ул җыенда Габдулла Тукай шигырьләрен һәм халык көйләрен башкарачагын әйтте.
Фото: © Гөлназ Җиһангированың шәхси архивыннан
«Истанбул шәһәре мэриясе каршындагы Төрки халыкларның мәдәнияте паркында зур концерт, Нәүрүз белән котлаулар, кич Рамазан аенда авыз ачу – ифтар программасы көтелә», – диде Гөлназ Җиһангирова.
Фото: © Гөлназ Җиһангированың шәхси архивыннан
- Милләттәшебез Төркиядә 5 ел яшәү дәверендә халкыбызның милли мәдәниятен танытуда актив эшчәнлек алып бара.