Казанда Кремль метро станциясе янында торган Зилант сынын сатканнар

Казанда 2021 елдан бирле сатуда булган легендар Зилант сынына яңа хуҗа табылган. Хәзер шәһәр символы Тельман урамында – аны сатып алган Fix компаниясе офисы янына тора. Әлеге килешү турында мәгълүматны Казан рәссамы Марат Гобәйдуллинның хатыны Динә раслаган.

Баштарак Марат Гобәйдуллин сынны «Рубин» футбол клубына, Казан федераль университетының элекке ректоры Илшат Гафуровка һәм Казан мэры Илсур Метшинга тәкъдим иткән була, әмма аларның берсе дә моның белән кызыксынмый. Кызганыч, рәссам 2022 елда вафат булды.

Башта Зилант 1 миллион сумга бәяләнгән, соңрак аның бәясе 4,5 миллионга җитә. Әмма Fix компаниясе белән килешүнең төгәл суммасы билгеле түгел. Динә Гобәйдуллина сүзләренчә, «бәясе килешү буенча» булган.

Рәссам әлеге сынны Бауман урамына куярга планлаштырган, әмма хакимиятләр аңа башка урын сайлый. Элек Зилант сыны «Кремль» метросы станциясенә керә торган урынны бизәп торды. Рәссамның якыннары әйтүенчә, бу мифик җан иясе аңа «рухи яктан якын» булган: ул тимер сынны Санкт-Петербург рәсем-сәнәгать академиясендә диплом эше буларак ясый.