Татарстанда М7 трассасында мотоцикл йөртүчесе җиңел машина белән бәрелешкән һәм үлгән
Татарстанның Алабуга районындагы М7 «Идел» автоюлында юл-транспорт һәлакәте булган, бер кеше үлгән. Якынча мәгълүматларга караганда, мотоцикл белән идарә иткән 1973 елгы ир-ат бер полосадан икенче полосага күчкәндә каршыдан килүче Ford автомобиле белән бәрелешкән. Бу хакта ТР буенча Эчке эшләр министрлыгының Дәүләт автоинспекциясендә хәбәр иттеләр.
Бәрелешү нәтиҗәсендә мотоцикл йөртүчесе һәлак булган.
Авариянең шартлары ачыклана.
ТР буенча Эчке эшләр министрлыгының Дәүләт автоинспекциясе машина йөртүчеләрне юл хәрәкәте кагыйдәләрен төгәл үтәргә һәм юлда игътибарлы булырга чакыра.
Фото: © ТР буенча Эчке эшләр министрлыгының Дәүләт автоинспекциясе