Алабугада табиблар 700 грамм авырлыкта туган баланы исән-имин өенә чыгаруга ирешкән

Алабугада табиблар 700 грамм авырлыкта туган баланы исән-имин өенә чыгаруга ирешкән. Медицина командасы тырышлыгы белән бала хәзер әти-әниләре белән бергә өйдә.

Әмма алга таба үсүе өчен сабыйга махсус югары калорияле катнашма кирәк булган.

«Мондый туклану бәясе югары булуын исәпкә алып, гаиләгә ярдәм кирәк булды. Балалар поликлиникасы администрациясе ярдәм сорап мөрәҗәгать итте, һәм ярдәм кичекмәстән килде», – дип хәбәр итәләр хастаханә матбугат хезмәтендә.