«Ак Барс» хоккейчылары Череповец кунакларын отты, киләсе уен 4 гыйнвар көнне булачак

Бүген Казанның «Ак Барс» хоккейчылары Череповецның «Северсталь» командасын 4:3 исәбенә җиңде. Уен Казанда узды.

Беренче периодның икенче минутында «Северсталь» уенчысы Александр Скоренов исәпне ачты (0:1). Уникенче минутта, «Ак Барс» күпчелектә уйнаганда, Александр Хмелевский исәпне тигезләде (1:1). Унтугызынчы минутта алка «Северсталь» күпчелектә уйнаганда керде, гол авторы – команда капитаны Адам Лишка (1:2)

Икенче периодның соңгы минутында исәп кабат тигезләнде, алканы «Ак Барс» һөҗүмчесе Владимир Алистров кертте (2:2).

Өченче периодның алтынчы минутында Кирилл Семёнов «Ак Барс»ны алга чыгарды (3:2). Ундүртенче минутта Адам Лишка Казан командасы капкасына икенче алкасын кертте (3:3).

Өстәмә бишминутлыкта гол кермәде. Капкачы белән бергә-бер калып буллит бәрүләрдә «Ак Барс» өстен чыкты (4:3).

Командалар составы:

«Ак Барс»

• Билалов (Арефьев);
• Хмелевский – Семёнов – Алистров, Лямкин – Миллер;
• Денисенко – Сафонов – Галимов, Карпухин – Марченко;
• Биро – Фисенко – Пустозёров, Фальковский – Ст. Терехов;
• Дыняк – Кателевский – Бровкин (Иванов), Жулин.

«Северсталь»

• Самойлов (Скотников);
• Ильин – Аймурзин – Танков, Калдис – Грегуар,;
• Веряев – Подшивалов – Думбадзе, Давыдов – Грудинин;
• Муханов – Абросимов – Лишка, Камалов – Буренов;
• Скоренов – Иванцов – Чебыкин, Кәримов.

«Ак Барс»ның киләсе уены 4 гыйнвар көнне узачак. «Ак Барс» – «Автомобилист» матчы Казанда 17:00 сәгатьтә башлана.