Юрист Соловьев сүгенгән өчен җаваплылык турында кисәтте

Россиянең атказанган юристы Иван Соловьев «Татар-информ» белән әңгәмә барышында россиялеләргә төркемле чатларда цензурасыз сүзләр өчен җаваплылык турында искә төшерде.

«КоАП кешене мыскыл итү һәм аңа карата цензурасыз лексиканы куллану өчен җаваплылыкны күздә тота. Бу хәлнең кайда булуы – гомуми чатта яки башка гавами киңлектә, әһәмияткә ия түгел», – дип билгеләде Соловьев.

Башка кешенең намусын һәм абруен әдәпсез яки гомум кабул ителгән әхлак нормаларына каршы килә торган башка формада түбәнсетү хурлау дип бәяләнә.

Аның өчен төркем чатларында берничә затка, шул исәптән индивидуаль билгеләнмәгән затларга карата административ штраф салынырга мөмкин: гражданнарга – 5 меңнән 10 мең сумга кадәр; вазыйфаи затларга – 50 меңнән 100 мең сумга кадәр; юридик затларга – 200 меңнән 700 мең сумга кадәр.

«Мөрәҗәгать итүче шулай ук мораль зыянны компенсацияләүне таләп итәргә һәм аны теләсә нинди сумма белән бәяләргә мөмкин. Скриншотлар бирергә кирәк, кайбер очракларда – язышуны нотариуста расларга кирәк», - дип өстәде Соловьев.