Республика клиник хастаханәсе табиблары махсус операция хәрбиенең бавырыннан ярчык алган
Фото: Республика клиник хастаханәсе матбугат хезмәте
Татарстанның Республика клиник хастаханәсе табиблары махсус операция хәрбиенең бавырын тишеп кергән металл ярчыкны алган.
45 яшьлек ир-ат узган ел хәрби хәрәкәтләр зонасында җәрәхәтләнгән. Ярчыкны Республика клиник хастаханәсендә тикшерүләр үткәргән вакытта тапканнар.
Республика клиник хастаханәсенең 2нче номерлы хирургия бүлеге командасы ике сәгать дәвам иткән операция вакытында ярчыкны алган һәм берничә көннән соң хәрбине өенә кайтарып җибәргәннәр.