Казанда электровелосипедта юл аша чыгып барган курьерны машина бәрдергән, ир-ат үлгән
Казанда кичә кич Копылов һәм Побежимов урамнары киселешендә фаҗигале юл-транспорт һәлакәте булган.
Jetour автомобиленең 38 яшьлек йөртүчесе җәяүлеләр кичүендә электровелосипедта юл аша чыгып барган курьерны бәрдергән. Ул Яндекс заказлар китерү хезмәте курьеры булган.
Казан Дәүләт автоинспекциясе мәгълүматларына караганда, курьер юлга светофорның кызыл сигналы янганда чыккан. Якынча 25 яшьтәге ир-ат алган җәрәхәтләрдән юл-транспорт һәлакәте урынында ук һәлак булган.