Мөслимдә укучылар катнашында «Күренеп тор!» юл хәрәкәте иминлеге акциясе узды
«Юл иминлеге» дәүләт бюджет учреждениесенең Мөслим һәм Сарман районнары бүлеге җитәкчесе Алсу Ситдыйкова «Күренеп тор» акциясен оештырган. Бу хакта «Мөслим-информ» хәбәр итте.
Мөслим урта мәктәбенең яшь инспекторлар хәрәкәте отряды әгъзалары һәм «Алдынгылар» хәрәкәте активистлары, кулларына тематик плакатлар тотып, урамга чыккан. Балалар җәяүлеләр белән сөйләшкән, аларга акциянең максатын аңлаткан, киемдә яктылык кайтаручы элементлар булырга тиешлеге турында сөйләгән, яктылык кайтаручы беләзекләр һәм юл хәрәкәте турында буклетлар өләшкән.