Татарстанда федераль трассаларда чикләүләр гамәлдән чыгарылды
Татарстанның федераль трассаларында автобуслар һәм йөк транспорты өчен вакытлыча кертелгән чикләүләр гамәлдән чыгарылды. Чикләүләр 29 гыйнварда 17.00 сәгатьтән гамәлдә булды һәм һава шартлары начараю сәбәпле гамәлгә кертелгән иде. Бу хакта «Волго‑Вятскуправтодор» федераль казна учреждениесендә хәбәр иттеләр.
30 гыйнварда 8.00 сәгатьтән федераль трассаларда хәрәкәт тулысынча торгызылды.