Казанда штрафлар буенча 70 мең сумнан артык бурычы җыелган машина йөртүчене туктатканнар

Казанда юл-патруль хезмәте инспекторлары «Лада Приора» автомобиленең йөртүчесен туктаткан. Тикшергән вакытта машина хуҗасының 70 мең сумнан артык штраф җыйганлыгы ачыкланган.

Урынга суд приставлары килгән. Алар автомобильгә арест салуны рәсмиләштергән һәм машинаны махсус стоянкага җибәргәннәр.