Татарстанда җиңел автомобиль зур тизлектә фурага килеп бәрелгән, йөртүчесе һәлак булган

Татарстанның Алабуга районында Toyota зур тизлектә MAN йөк автомобиленә килеп бәрелгән. Җиңел машинаның йөртүчесе һәлак булган.

Татарстан Дәүләт автоинспекциясендә хәбәр итүләренчә, юл-транспорт һәлакәте бүген төнлә М-7 трассасында булган. Караңгы булуга да карамастан, Toyota зур тизлектә хәрәкәт иткән. Кайсыдыр мизгелдә машина алда баручы фурага килеп бәрелгән.

Машина йөртүче шунда ук һәлак булган.