ТР Диния нәзарәте һәм ТР Рәисе администрациясе ярдәмендә «Бизнес-ифтар» форумы узачак
Казанда 28 февральдә мөселман традицияләре белән берлектә эшлекле мохитне үстерүгә юнәлдерелгән «Бизнес-ифтар» форумы узачак. Чара «Корстон»да Татарстан Республикасы мөселманнары Диния нәзарәте һәм ТР Рәисе администрациясе ярдәмендә үткәрелә.
Мәйданчык эшмәкәрләрне, компанияләр җитәкчеләрен, дәүләт структуралары һәм эшлекле бергәлекләр вәкилләрен берләштерәчәк. 2025 елда форумга Россия төбәкләреннән һәм БДБ илләреннән 700дән артык кунак килде, 2026 елда 1000гә якын катнашучы көтелә.
Программада – панель дискуссияләр, спикерлар чыгышлары, маркет-зона, мәдәни программа һәм коллектив ифтар. Форум барышында гадәттәгечә ир–атлар һәм хатын-кызлар арасында Гомәгә ике сәфәр уйнатылачак.
«Бизнес-ифтар» командасы ел дәвамында социаль инициативаларны тормышка ашыра: мөселман мәгарифенә ярдәм итү, хатын-кызларга рухи белем бирү, свода катнашучыларга һәм аларның гаиләләренә ярдәм итү. 2026 елда Казандагы форум мәйданчыгыннан турыдан-туры тоташтырып, СВО зонасында ифтар үткәрү планлаштырылган