Бөгелмәнең «Юность» спорт мәктәбендә 65 шахматчы Вячеслав Айдуганов Кубогы өчен көрәште
Бөгелмә шәһәре «Юность» спорт мәктәбенең шахмат бүлегендә Вячеслав Айдуганов Кубогының XXIII этабы узды. Бу хакта «Бугульминская газета» яза.
Илнур Идрисов турнирның абсолют җиңүчесе дип табылды, ул Вячеслав Айдуганов Кубогы белән бүләкләнде. Шулай ук Яна Лебедева, Демид Лебедев, Марсель Әсәдуллин һәм Есения Степанова призлы урыннар яулады.
Көмеш медальләргә Альберт Зәйдуллин, Эльмира Шәфигуллина, Марк Гыйззәтуллин һәм Вера Комлева лаек булды. Сафина Сәетова һәм Азат Габидуллин бронза медальләр алды.
Турнирда катнашучыларның һәркайсына сувенир, ә барлык җиңүчеләргә һәм призерларга грамоталар һәм истәлекле бүләкләр тапшырылды.