Радик Кудояров Муса Җәлил җәзалап үтерелгән урынга чәчәкләр салды
Җәлилчеләргә багышланган «Кара урман» фильмы режиссеры Радик Кудояров бөек татар шагыйре Муса Җәлил һәм аның көрәштәшләре җәзаланган урынга чәчәкләр салды.
Фото: © Радик Кудояров тәкъдим итте
Исегезгә төшерәбез, бүген Советлар Союзы Герое, татар халкының күренекле улы, сугышчы һәм шагыйрьнең тууына 120 ел. Шушы көнгә туры китереп 2024 елда Татарстан Рәисе Рөстәм Миңнеханов ярдәме белән төшерелгән «Кара урман» фильмының премьерасы тәкъдим ителде.
Кудояров билгеләп үткәнчә, җәлилчеләрне җәзалау урынына чәчәкләр салу традициягә әверелергә тиеш.