Алабугадан махсус операциягә 880 млн сум гуманитар ярдәм җибәрелгән
Хисап сессиясендә Алабуга районы башлыгы Рөстәм Нуриев махсус хәрби операциядә катнашучы хәрбиләргә ярдәм чаралары турында сөйләде. Утырышта Татарстан Премьер-министры Алексей Песошин да катнашты.
Районның төп бурычларыннан берсе – алгы сызыктагы сугышчыларга ярдәм итү. Муниципалитет җитәкчесе сүзләренә караганда, Алабуга районыннан махсус операция зонасына 915 хәрби хезмәткәр җибәрелгән. Муниципалитет кураторлар белән берлектә аларның гаиләләренә һәрьяклап ярдәм күрсәтә, көнкүреш мәсьәләләрен хәл итүдә ярдәм итә.
Махсус хәрби операция вакытында фронтка 880 млн сумнан артык гуманитар ярдәм җибәрелгән, шуның 86 млн сумы – хәрбиләрнең гаиләләренә.
Агымдагы елда район яклаучыларга һәм аларның якыннарына ярдәмне тагын да нәтиҗәлерәк итү өчен кураторлык системасын үстерүне һәм ныгытуны дәвам итә.