Татарстанда электрчыларның хезмәт хакы 135 мең сумга җитә – HR-эксперт
Татарстанда электрчыларның уртача хезмәт хакы квалификациясенә, рөхсәт алуларына һәм эш урынына карап 62 меңнән 135 мең сумга кадәр. Бу хакта «Татар-информ» белән әңгәмәдә HR-эксперт Зулия Лоикова сөйләде.
«Мәсәлән, әгәр без электрчыны алсак – 90 мең, әгәр электромонтажчыны алсак – 120-135 мең, әгәр бу дүртенче, бишенче, алтынчы разрядлы электромонтер булса – 70 меңнән 100 меңгә кадәр», - дип аңлатты Лоикова.
Ул билгеләп үткәнчә, бу белгечлек буенча эш табу кыен түгел: белгечләргә һәрвакыт ихтыяҗ бар.