Татарстан кешесе мессенджерда экстремистик символика пропагандалаган өчен хөкем ителәчәк
Татарстанда тикшерүчеләр экстремистик оешманың символикасын пропагандалау һәм халыкка күрсәтү турындагы эшне тикшерүне төгәлләде. Буа районында яшәүче 21 яшьлек егет суд каршына басачак.
Тикшерү мәгълүматлары буенча, 2024 елның көзендә мессенджерда канал булдырган һәм анда РФ территориясендә эшчәнлеге тыелган экстремистик оешма белән бәйле материаллар урнаштырган. Элегрәк ул мондый төрдәге закон бозу очрагы өчен административ җаваплылыкка тартылган булган инде.
Россия Тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий хәбәр иткәнчә, җинаять эше судка тапшырылган.