Татарстанлыларны якындагы тәүлектә көчле җил турында кабат кисәттеләр

Республика территориясендә 24 февральгә каршы төндә һәм көн дәвамында җилнең көчәюе фаразлана. Синоптиклар әйтүенчә, кайбер урыннарда тизлек секундына 15-18 метрга җитәргә мөмкин.

Шуңа бәйле рәвештә Россия Гадәттән тыш хәлләр министрлыгының ТР буенча Баш идарәсе урамнар һәм юллар буйлап йөргәндә сак булырга киңәш итә. Реклама щитлары, юл билгеләре, агачлар һәм электр тапшыру линияләре астында качарга ярамый.