Мәктәп укучылары һәм балалар бакчаларында тәрбияләнүчеләрне яшеренү урыннарына төшерделәр
Казанда республикада игълан ителгән ракета куркынычы аркасында мәктәп укучыларын һәм балалар бакчаларында тәрбияләнүчеләрне яшеренү урыннарына төшерделәр. Бу хакта шәһәр мәгариф идарәсе матбугат хезмәте хәбәр итә.
«Балалар бакчаларында һәм шәһәр мәктәпләрендә балалар махсус җиһазландырылган саклау һәм куркынычсыз зоналарга төшә һәм педагоглар күзәтүе астында тора. Тынычлык саклавыгызны сорыйбыз. Вәзгыять контрольдә», - диелә хәбәрдә.
Мәскәү вакыты белән 12.06 сәгатьтән республика территориясендә «ракета һөҗүме куркынычы» режимы гамәлдә. Шундый ук режимны Татарстан белән күрше Чувашия һәм Самара өлкәсендә керттеләр.