Яңа Чишмә районында һәлак булган геройларның гаиләләренә дәүләт бүләкләре тапшырылды

Яңа Чишмә районы башлыгы Егор Тарнавский махсус хәрби операция геройларының гаиләләренә югары дәүләт бүләкләре тапшырды. Бу хакта муниципаль район администрациясе хәбәр итә.

Хәрби хезмәткәр Михаил Хохлов үлгәннән соң Батырлык ордены белән бүләкләнгән. Бүләкне район башлыгы хәрбинең тормыш иптәше Иринага тапшырган. Шулай ук хәрби хезмәткәр Николай Савельев үлгәннән соң «Батырлык өчен» медале белән бүләкләнгән. Медаль аның әнисе Натальяга тапшырылган.

«Безне яклап, үз гомерен корбан иткән кешеләрнең истәлеген саклау – безнең изге бурычыбыз. Геройларыбызның әниләренә һәм хатыннарына рәхмәт әйтеп баш иям. Батырлыгыгыз һәм сабырлыгыгыз өчен рәхмәт сезгә», - дип мөрәҗәгать итте хәрбиләрнең гаиләләренә Тарнавский.

Ул шулай ук залда булган хәрби хезмәткәр Василий Зиминга рәхмәт белдерде.

Фото: t.me/novosheshminsk

Яңа Чишмә районы яшьләре өчен бу вакыйга аеруча зур әһәмияткә ия булды. Әлеге тантаналы көндә үсмер кыз һәм малайларга Россия Федерациясе гражданы паспортлары тапшырылды. Район башлыгы яшьләрне олы тормышка аяк басулары белән котлады, аларга лаеклы гражданнар булуларын һәм өлкән иптәшләренең батырлыкларыннан үрнәк алуларын теләде.