Бүген Татарстанда көчле кар һәм буран фаразлана
Бүген, язның беренче көнендә, Татарстанда көчле кар һәм буран көтелә, күрү мөмкинлеге 1 мең метрга кадәр кимиячәк, дип фаразлый ТР Гидрометеорология үзәге.
Синоптиклар болытлы һава торышы һәм кар явуын фаразлый. Кайбер районнарда җепшек кар явуы ихтимал. Шулай ук йомшак буран көтелә. Җил көньяк-көнбатыштан исәчәк, аның тизлеге секундына 11 метрга җитә.
Көндез температура -4...+1 градус тәшкил итә. Юлларда бозлавык көтелә.