Гадәттән тыш хәлләр министрлыгы буран һәм җил вакытында иминлек чаралары турында искәртте
Россия Гадәттән тыш хәлләр министрлыгының ТР буенча Баш идарәсендә буран һәм көчле җил вакытында иминлек чаралары турында искәрттеләр.
Җәяүлеләргә реклама такталары һәм вывескалардан ераграк торырга, йорт диварлары янында җилдән ышыкланмаска һәм җәмәгать транспортыннан файдаланырга киңәш итәләр. Машина йөртүчеләргә артык маневрлар ясамаска һәм кисәк тормозга басмаска, шулай ук тизлекне арттырмаска кирәк.
Искәртеп үтәбез, бүген көннең икенче яртысында һәм 7 март кичендә Татарстан территориясендә буран көтелә, җилнең тизлеге 15-17 метрга кадәр җитә, буран вакытында күз күреме 1-2 чакрымга кадәр начарая.