Әлмәттә шәхси йортта чыккан янгынны сүндергәндә ир-ат мәетен тапканнар
Әлмәттә шәхси йортта чыккан янгынны сүндергән вакытта 66 яшьлек ир-ат мәетен тапканнар.
Россия Гадәттән тыш хәлләр министрлыгының ТР буенча Баш идарәсендә «Татар-информ» агентлыгына хәбәр итүләренчә, янгын Лесная урамындагы йортта чыккан. Урынга килгән ут белән көрәшүчеләр аның мәйданы 120 квадрат метр тәшкил итүен ачыклаган һәм янгынны сүндергән вакытта ир-ат мәетен табып алган.
Янгынның сәбәбен ачыклыйлар.