Югары Ослан үзәк район хастаханәсенең баш табибы итеп Марсель Садыйков билгеләнде

Югары Ослан үзәк район хастаханәсенең баш табибы итеп Марсель Садыйков билгеләнде. Яңа җитәкчене хастаханә коллективына ТР сәламәтлек саклау министры урынбасары Илдар Фатыйхов тәкъдим итте. Бу хакта Татарстан Сәламәтлек саклау министрлыгының матбугат хезмәте хәбәр итә.

Элегрәк Марсель Садыйков Казанның 7нче шәһәр хастаханәсендә баш табиб урынбасары булып эшләгән.

Марсель Садыйков Казан дәүләт медицина университетының дәвалау факультетын тәмамлаган. Ул табиблар нәселен дәвам итүче булып тора.