Мәгълүмат чаралары Моджтаба Хәмәнәинең яралануы һәм комада ятуы турында хәбәр итте
Иранның Югары лидеры Моджтаба Хәмәнәи авиация һөҗүме нәтиҗәсендә авыр тән җәрәхәтләре алган һәм комада ята. Бу хакта Бөекбританиянең «The Sun» газетасы Тәһрандагы чыганакка сылтама белән хәбәр итте, дип яза «Газета.Ru».
Басманың әңгәмәдәше сүзләренчә, Хәмәнәи бик каты яраланган: ул бер яки ике аягын да югалткан, шулай ук бавыры яки ашказанына зыян килгән. Чыганак фаразлаганча, сәясәтче комада ята.
Аның кайчан яралануы әлегә билгеле түгел. Журналистлар китергән мәгълүматлар буенча, Хәмәнәи хәзерге вакытта дөнья энергетика базарына йогынты ясый торган Иран стратегиясен эшләүдә катнашмый.
Басма язуынча, Моджтаба Хәмәнәи Тәһранның тарихи районында урнашкан Sina Hospital хастаханәсенең интенсив терапия бүлегендә ята. Медицина учреждениесе бинасының бер өлеше көчәйтелгән сак астында.