Путин Андрей Курносенконы Россия эчке эшләр министрының беренче урынбасары итеп билгеләде
Россия Президенты Владимир Путин полиция генерал-лейтенанты Андрей Курносенконы Россия эчке эшләр министрының беренче урынбасарын итеп билгеләде. Шул хактагы указ РФ рәсми хокукый мәгълүмат порталында урнаштырылган.
«Полиция генерал-полковнигы Горовой Александр Владимировичны Россия Федерациясе эчке эшләр министрының беренче урынбасары вазифасыннан азат итәргә. Полиция генерал-лейтенанты Курносенко Андрей Анатольевичны Россия Федерациясе эчке эшләр министрының беренче урынбасары итеп билгеләргә, аны биләгән вазифасыннан азат итәргә», - диелә указда.
Элегрәк Курносенко Россия Эчке эшләр министрлыгының икътисади иминлек һәм коррупциягә каршы көрәш идарәсе башлыгы иде. Ул бу вазифаны 2015 елдан бирле биләде.