Бөтендөнья татар конгрессының Актаныш районы бүлеге җитәкчесе сайланды
Бөтендөнья татар конгрессы Башкарма комитеты җитәкчесе урынбасары – Татарстандагы бүлекчәләр белән эшләү комитеты җитәкчесе Ирек Шәрипов эш сәфәре белән Актаныш районында булды. Биредә татар конгрессының жирле оешмалары идарәсе вәкилләре белән очрашу, идарә утырышы узды. Бөтендөнья татар конгрессының Актаныш районындагы җирле оешманың исәп-хисап җыелышы утырышында бүлек җитәкчесе итеп Альберт Мансуров сайланды. Ул Актанышның беренче урта мәктәбе директоры, дип хәбәр итә конгресс матбугат хезмәте.
Актаныш районы башлыгы Ленар Зарипов белән очрашуда районның республикабыз тормышында тоткан урыны, бүгенге күрсәткечләре, социаль-көнкүреш хәле һәм башка актуаль сораулар күтәрелде.
Ирек Шәрипов актанышлыларның эшләрен уңай бәяләде һәм милли эшебездә аеруча фидакарьлек күрсәткән милләттәшләребезгә Бөтендөнья татар конгрессының Рәхмәт хатларын тапшырды.