Татарстанда спорт комплексы директоры инвалидларга шартлар тудырмаган өчен хөкем ителәчәк
Татарстанның Лениногорск районындагы спорт комплексы директоры үзенә ышанып тапшырылган объектта инвалидларга тиешле шартлар тудырмаган өчен хөкем ителәчәк.
«Тикшерү күрсәткәнчә, объект җитәкчелеге тарафыннан инвалидлар спорт учреждениесе инфраструктурасыннан тоткарлыксыз файдалана алсын өчен тиешле шартлар тудырылмаган», - дип хәбәр итә ТР прокуратурасы.
Ведомство закон бозуны бетерү турында язма гариза кертте, эш судка җибәрелде. Директорга 30 мең сумга кадәр штраф яный.