Катарда хәрби вертолет һәлакәтендә үлгән алты кешенең мәетен тапканнар

Катарда коткаручылар илнең территориаль суларында һәлакәткә юлыккан хәрби вертолет бортында булган җиде кешенең алтысын тапкан. Бу хакта Катар Эчке эшләр министрлыгы хәбәр итә.

ТАСС хәбәр иткәнчә, тагын бер кешене эзләү дәвам итә.

Элегрәк Катар Саклану министрлыгы хәбәр иткәнчә, вертолет якшәмбегә каршы төндә техник төзексезлек аркасында һәлакәткә очраган.