Биолог талпан энцефалитыннан прививканың мөһимлеге турында сөйләде

Талпан энцефалитыннан чын-чынлап прививка гына саклый ала, ә авыруның җиңел узуына өметләнү – куркыныч лотерея уйнау белән бер. Бу хакта биолог, «Коллективный иммунитет» оешмасы директоры Антонина Обласова «Радио 1» белән әңгәмәдә сөйләгән.

Белгеч сүзләренчә, авыруны йоктыру күпләрдә гадәти салкын тиюгә охшаган була, әмма кайбер пациентларда авыру нерв системасына йогынты ясарга мөмкин. Шул ук вакытта бу вирустан махсус дару юк – медиклар организмга тернәкләнергә генә ярдәм итә ала.

Обласова билгеләп үткәнчә, авыруны урманда эшләүчеләр яки походларга йөрүчеләр генә йоктырмый – һәркем куркыныч астында булырга мөмкин. Әйтик, талпаннар өйгә кием яки эткә эләгеп керергә мөмкин. Саклануның бердәнбер ышанычлы ысулы – вакцина, ләкин шуны истә тотарга кирәк: ул энцефалитка гына каршы тора, ә лайм авыруыннан (боррелиоз) прививка юк.