2025 елда Казанда 14 меңнән артык бала туган
Узган 2025 елда Казанда 14 меңнән артык бала дөньяга килгән. Бу хакта Казан шәһәре Сәламәтлек саклау идарәсе җитәкчесе Илназ Әхмәдиев докладыннан билгеле булды.
Бала табучы гүзәл затларның уртача яше - 29,5 яшь. Ул гаиләдә беренче баланың соңрак тууы буенча гомумроссия тенденциясе күзәтелүен искәртте.
Бала табучыларның күпчелеге - 25-29 һәм 30-34 яшьтә.
20 яшьтән яшьрәк әниләр 3 проценттан ким.