Когогин быел Россиядә йөк машиналары базары күләме 50 мең берәмлеккә кадәр артыр дип көтә
КАМАЗ генераль директоры Сергей Когогин фикеренчә, 2026 елда Россиядә авыр йөк машиналары базары 45-50 мең берәмлеккә җитәчәк. Ул Мәскәүдә Россия сәнәгатьчеләре һәм эшмәкәрләре берлеге съезды кулуарларында шул хакта хәбәр итте, дип яза ТАСС агентлыгы.
«Без базарны 45 меңгә, күп дигәндә 50 меңгә бәялибез», - диде Когогин.
«Автостат» аналитик агентлыгы мәгълүматлары буенча, 2025 елда Россиядә 46,9 мең яңа авыр йөк автомобиле сатылган, бу 2024 елгы күрсәткечтән 54 процентка кимрәк (102 мең).