Белгород өлкәсендә пилотсыз очкыч машинага һөҗүм иткән, йөртүчесе һәлак булган
Белгород өлкәсендә пилотсыз очкыч автомобильгә һөҗүм иткән. Машина йөртүче һәлак булган, дип хәбәр итте төбәк башлыгы Вячеслав Гладков.
«Шебекино округының Кече Михайловка авылында дрон автомобильгә һөҗүм итте. Алган җәрәхәтләрдән ир-ат шунда ук һәлак булган», - дип язган ул.
Төбәккә пилотсыз очкыч һөҗүме вакытында тагын ике кеше зыян күргән. Аларны хастаханәгә китергәннәр.