Социаль фонд: пенсия кайбер очракларда гариза тапшырмыйча автомат рәвештә яңадан исәпләнә
Әгәр белгечләр пенсионерның стажын яки хезмәт хакын исәпләүнең отышлырак шартларын ачыкласа, Россиядә кайбер очракларда пенсияләр автомат рәвештә яңадан исәпләнә. Россия Социаль фондында РИА Новости агентлыгына шул хакта хәбәр иттеләр.
Россия Социаль фонды матбугат хезмәтендә аңлатуларынча, әгәр стаж яки хезмәт хакын исәпләүнең башка варианты хисабына пенсия түләвен исәпләүне яхшырту мөмкинлеге ачыкланса, фонд хезмәткәрләре мөстәкыйль рәвештә кирәкле документларны җыя һәм пенсияне яңадан исәпли. Илдә пенсия билгеләгәндә зур хаталарны булдырмый торган күп дәрәҗәле контроль системасы эшли. Һәр мөрәҗәгать вакытында тикшерү бөтен вертикаль (клиент хезмәтләреннән алып контроль-ревизия бүлекчәләренә кадәр) буенча үткәрелә.
2002 елга кадәрге чорларга аерым игътибар бирелә, ул вакытта мәгълүматлар тулы күләмдә сакланмаган булырга мөмкин. Моның өчен түләү документларын тикшерү программасы гамәлгә ашырыла. 2019 елдан 2025 елга кадәр белгечләр 40 миллионнан артык шундый документны тикшергән, ә 1,2 миллионнан артык гражданга стажын раслауда ярдәм иткәннәр. 2026 елда өстәмә рәвештә тагын 1,6 миллион пенсия түләвен тикшерү ниятләнә.