Миңнеханов: Безнең бурыч – энергетика системасының ышанычлылыгын тәэмин итү

Татарстан алдында энергетиканың күпләп сату базарыннан 6 млрд кВт/сәг сатып алу түгел, ә шуның белән яхшы акча эшләү бурычы тора. Бу хакта республика Рәисе Рөстәм Миңнеханов Казанда «Энергопром» форумында журналистлар белән сөйләшү вакытында әйтте.

«Безнең барлык куәтләр дә базарда конкурентлы түгел. Безнең бурыч - бу 6 млрдны (кВт/сәг) күпләп сату базарыннан алу түгел, киресенчә, күпләп сату базарына сатсыннар һәм моның белән яхшы акча эшләсеннәр өчен җиткерү», - дип белдерде Миңнеханов.

Ул билгеләп үткәнчә, Татарстан – сәнәгать төбәге һәм энергияне төрле формаларда эре кулланучы.

«Безнең бурыч – энергетика системасының ышанычлылыгын тәэмин итү», - диде ТР Рәисе.

Ул РФ энергетика министры Сергей Цивилевка тармак алдына амбициоз бурычлар куйганы өчен рәхмәт белдерде.

«Энергетикадан башка дәүләтебезнең үсеше мөмкин түгел. Бүген куелганнар – минимум программа, без аны бергәләп тормышка ашырырга тиеш», - дип саный ул.