Путин РФ Куркынычсызлык советы әгъзалары белән фикер алышты
Россия Президенты Владимир Путин видеоэлемтә аша РФ Куркынычсызлык советының даими әгъзалары белән оператив киңәшмә үткәрде. Бу хакта Кремль матбугат хезмәте хәбәр итә.
«Террорчылыкны һәм башка җинаятьчел эшчәнлекне финанслауга каршы тору мәсьәләләре турында фикер алыштылар», – дип билгеләп үттеләр матбугат хезмәтендә.
Киңәшмәдә Федерация Советы Рәисе Валентина Матвиенкодан тыш, Куркынычсызлык советының күпчелек даими әгъзалары, шулай ук Росфинмониторинг директоры Юрий Чиханчин катнашты.