Транспорт прокуратурасы Казан - Пхукет рейсын тоткарлаган өчен авиакомпаниягә штраф салды
Транспорт прокуратурасы Казан - Пхукет рейсы тоткарланган вакытта пассажирларга хезмәт күрсәтү кагыйдәләрен үтәмәгәне өчен авиакомпанияне штрафка тартты.
Идел буе транспорт прокуратурасында хәбәр итүләренчә, 2026 елның гыйнварында рейс техник төзексезлек аркасында 13 сәгатькә тоткарланган. Шуңа да карамастан, авиакомпания пассажирларны кайнар ризык белән тәэмин итмәгән һәм кунакханәгә урнаштырмаган.
Авиакомпанияне административ җаваплылыкка тартканнар һәм 20 мең сум штраф салганнар, шулай ук киләчәктә мондый закон бозуларны булдырмау буенча чаралар күрергә мәҗбүр иткәннәр.