Татарстанда атмосфера фронты китү белән явым-төшем туктый һәм +14 градуска кадәр җылыта

Бүген, 11 апрельдә, Татарстанда атмосфера фронты китү һәм антициклон килүгә бәйле рәвештә һава шартлары вакытлыча үзгәрәчәк. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Көндез аязучан болытлы һава торышы көтелә. Төнлә республика территориясендә кар һәм җепшек кар яуды, көндез исә явым-төшем ихтималы аз.

Иртәнге сәгатьләрдә урыны белән, шулай ук Казанда, томан һәм бозлавык саклана. Бу вакытта шулай ук кыска вакытлы кар катламы, ә юлларда бозлавык барлыкка киләчәк.

Төньяк-көнчыгыштан һәм көнчыгыштан секундына 4-9 метр тизлектә җил исә.

Төнлә температура +1..-4 градус тәшкил итсә, көндезге сәгатьләрдә Татарстанда термометрның терекөмеш баганасы +5..+10 градуска, урыны белән +14 градуска кадәр күтәреләчәк.